Ережеп айы – Рамазанның сүйіншісі

Дін / 20.04.2015, 13:18 / 21 938 рет оқылды

tumblr_l5l274v8hA1qada0co1_500Үш қадірсіздің бірі – уақыт қандай жүйрік. Зыр етіп өтіп кеткен бір жыл апталап келетін жұма секілді көзді ашып жұмғанша артта қалып барады. Қасиетті үш айдың алғашқысы – Ережеп бүгін төрімізге енді. Бұл дегеніміз – жуық арада рамазанмен, мұсылмандардың ұлық айымен қауышамыз деген қуаныш. 23-24 сәуір күні Рағайып түні, 15-16 мамыр күні Миғраж түні, 1-2 маусым – Бараат түні, 18 маусымда Рамазан айы басталады. 13-14 шілдеде қасиетті Қадір түні, 17-19 шілдеде Алла жазса, рамазан айтына да жетеміз.

Он екі айдың ішіндегі қасиетті де құрметті төртеудің бірі – ережеп айы. Бұл ай тәубе, құрмет және ғибадат, ал рамазан жақындық пен нығмет айы болып табылады. Зуннун Мысри былай дейді: «Ражаб тұқым себу, шағбан айы егінді суғару, ал рамазан болса, жемісті жинау айы». Аллаға шүкір, қасиетті үш айдың бірі саналатын Ережепке аман-есен жеткізді. Бұл айда әрбіріміз ғибадатты күшейтіп, Жаратушымызды ұлықтап, пәктеуді бұрынғыдан да арттыруымыз қажет.

«Ережеп» сөзі араб тілінен ұлықтау, мадақтау деген мағыналарды білдіреді. Бұл айда соғыспайтын, ұрыс-керіс, жанжал болмайды, тәубә етушілерге Алланың рақметі мен мейірімі ерекше мол төгіледі. Пайғамбарымыз (Алланың сәлемі мен игілігі болсын): «Жәннатта сүттен ақ, балдан тәтті өзен бар. Ол Ережеп деп аталады. Кімде-кім ережеп айында ораза ұстаса, Алла тағала сол өзеннен су  ішкізеді», – дейді. Сондай-ақ, тағы бір хадисте: «Ережеп – Алланың айы, шағбан – менің айым, Рамазан – үмбетімнің айы», – деген. Сондықтан, босқа өткізіп алмай, Алланы көбірек еске алып, біліп-білмей істеген қателеріміз үшін кешірім сұрап, тәубеге келіп, Құран оқып, ілім үйренумен өткізгеніміз жөн.

Пайғамбарымыз (с.ғ.с.) қасиетті айларға көп көңіл бөліп, сахабаларға оларды қалай өткізу керектігі жөнінде айтатын. Сондай-ақ, ережеп айы кіргенде: «Раббым, ережеп пен шағбан айларын берекелі ете гөр! Бізді Рамазанға аман-есен жеткізе гөр!» (Ахмад ибн Ханбал, Мүснәд, I/259) – деген дұғамен қасиетті айларды (ережеп, шағбан, рамазан)  бастайтын.

Иә, ережеп, шағбан айларында ізгі амалдарымызды көбейтсек, жетімнің басынан сипап, Қарағанды секілді көмекке мұқтаж жерлерге қол ұшымызды созып, сауапқа кенелсек, екінші жағынан солар арқылы алдымыздағы айлардың төресі Рамазанға  дайындық жасаймыз.

imagesЕрежеп айында қасиетті екі түн бар. Бұл айдың алғашқы жұмасы – Рағайып түні болса,  жиырма жетінші түні – миғраж сапарына дөп келеді. «Рағайыптың» сөздік мағынасы – «жауһар, құнды, бағалы, игілік» деген мағыналарды білдіреді. Осыған байланысты «Ләйлә Рағайып» тіркесін «жақсылық пен игілікке толы және аса құнды, ерекше бағалауды қажет ететін түн» деп түсінеміз. Ислам ғұламаларының айтуына қарағанда, пайғамбарымыз (Алланың сәлемі мен игілігі болсын) бұл түні нұрлы сырларға қанығып, Ұлы Жаратушыға мадақ айтып, шүкіршілік жасап, дұға, кешірім тілеп, намаз оқыған.

Пайғамбарымызға (с.ғ.с.) дұшпандармен табанды күрес жүргізіп, әбден қажыған шағында, қасиетті Миғражды (түнгі серуен) нәсіп еткен еді. Миғраж, сенімді дерек көздеріне қарағанда, Мәдинаға көшпестен бір жарым жыл (621 ж.) бұрын болған. Ережеп айының жиырма алтысынан жиырма жетісіне қараған түні пыраққа мініп түнгі сапарда көк жүзінен өтіп, Ұлы Жаратушының құзырына шыққан болатын. Сөйтіп үмбетіне екі дүниенің бақытына кенелетін теңдесі жоқ сый – намазды әкелген еді. Пенде намаз оқыған сәтте бейне бір миғражға көтеріліп, Алланың құзырына барғандай әсерленеді.

Міне, ережеп айы осындай қасиетті түндерімен де құнды. Қасиетті күндер мен түндерден басқа күні жасалған әрбір игі іс, Құраннан оқыған әрбір әріптің сауабы жүз немесе мыңға дейін көбейсе, бұл қасиетті айлар мен түндерде тіпті еселенеді. Сондықтан, бұл айларда қолымыздан келгенше, Құран оқып, дұға жасап, кешірім тілеп, пайғамбарымызға (с.ғ.с.) салауат айтып, ораза ұстап, нәпіл намаз оқып, мүмкіндікті өткізіп алмауға тырысқанымыз абзал.

Пайғамбарымыздың (с.ғ.с.) мына бір хадисін айта кетейік: «Дұға қайтарылмайтын бес түн бар: ережеп айының бірінші түні, шағбанның ортаңғы түні, жұма түні, екі айт түндерінде», – деген. Сондықтан, мол дұға жасауды ұмытпайық.

Ережеп айының сырлары

  1. Ережепте ораза ұстаған адамның Алла өткен күнәларын кешіреді.
  2. Ережептің басында, ортасында, аяғында аузын бекіткен жан, бір ай ораза ұстағандай сауап алады.
  3. Ережеп айында біреудің мұқтажын өтеген жанға, Алла тағала Фирдаус жәннатынан сарай тұрғызады.
  4. Бұл айда өзгеге сый-құрмет көрсеткен, Алланың сый-құрметіне ие болады.
  5. Осы айда бір күн ораза ұстаған жан жәннаттағы балдан тәтті, сүттен ақ Ережеп атты өзеннен сусындайды.
  6. Ережепте құлшылық еткен жан, қабір азабынан құтылады.
  7. Ережептің алғашқы түнінде дұғалар сөзсіз қабыл болады.
  8. Бұл айда істелген сауап пен күнә 70 есе өседі.
  9. Кімде-кім Ережеп айында сауабын Алла Тағаладан үміт етіп, ықыласты түрде бір күн ораза тұтатын болса, Алланың разылығын иеленеді.
  10. Екі күн ораза тұтқан адамның сауабы екі есе болады, әрқайсысы бір таудай болады.
  11. Үш күн ауыз бекіткен адам дүние бәлесінен ақырет азабынан, жындану, алапес ауруынан және Даджалдың кесірінен аман болады.
  12. Жеті күн ораза тұтқан адамға тозаққа түспес үшін жеті тозақ қақпалары жабылар.
  13. Сегіз күн ораза тұтқан адамға жұмақтың қақпалары ашылады.
  14. Он күн ораза тұтқан адамға, Алла Тағаладан не сұраған болса, сұрағаны беріледі.
  15. Он бес күн ораза тұтқан адамның алдыңғы күнәларын кешіреді де жамандықтарын жақсылыққа ауыстырады. Ал, егер оразасын келесі күндері жалғастыратын болса, сауабын одан әрі арттыра түседі.

Алла тағала қасиетті айлар мен қадірлі түндерде жасалған құлшылық, ғибадаттарымызды қабыл етсін! Әмин!

 Кесебаев Мирас



40 пікір

  1. Нұрмахан Есболов:
    22.04.2015 в 05:40

    Әссәләмуәлейкум Ережеп айы кай куні киреди ертен 23 сәуирде киреме

    • admin:
      23.04.2015 в 13:06

      20 сәуірде кірді. 23 сәуірден 24 сәуірге қараған түн — Рағайып түні

  2. nurbek:
    24.04.2015 в 21:32

    Ораза туту мерзими кай кундери кай уакыт аралыгында

  3. gauhar:
    07.03.2016 в 22:37

    2016жылы кашан ережепайы киреди?

    • Shynar:
      31.03.2016 в 16:57

      8 сәуір

      • Назгул:
        05.04.2016 в 20:32

        Ол кезде ораза ұстаудын арнайы кестесі бола ма

        • admin:
          07.04.2016 в 11:45

          Оның арнайы кестесі жасалмайды. Өзіңіз мешіттен немесе мешіт сайттарынан сәресі мен ауызашардың уақытын алып, ауыз бекіте берсеңіз болады.

  4. Асель:
    07.04.2016 в 11:28

    Салеметсиздерме. Ережеп айыН-да неше кун орала устау керек. Рахмет

    • admin:
      07.04.2016 в 11:46

      Қанша ұстауға шамаңыз келеді, сонша ұстай беріңіз. Нақты осынша күн деген талап жоқ.

  5. Үрбибі:
    07.04.2016 в 23:39

    Оразаны күнде емес, арасына күн салып я 2 күн салып ораза тұтуға бола ма? Және айдың нешесі бітеді Ережеп айы? Рақмет көп!

    • Мирас:
      17.04.2016 в 14:29

      7 мамырда Ережеп айы бітеді. Оразаны қалай ұстасаңыз да өз еркіңіз. Ең абзалы, дүйсенбі және бейсенбі күндері, яғни аптасына екі күн ұстасаңыз абзал.

  6. Мейірбек:
    08.04.2016 в 21:51

    Ауыз жапқанда, ауыз ашқанда оқылатын дұғаларды жібере аласызба

    • Мирас:
      17.04.2016 в 14:31

      «Аллаһуммә ләкә сумту уә бикә әәмәнту уә ‘аләйкә тәуәккәлту уә ‘ала ризқикә әфтарту уә фәғфирлии мәә қаддамту уә мә аххарту»

      Аудармасы: «Аллаһым! Сенің ризалығың үшін ораза ұстадым. Сенің берген ризығыңмен аузымды аштым. Саған иман етіп, саған тәуекел жасадым. Сен менің өткен және келешек күнәларымды кешір»

  7. асыл:
    08.04.2016 в 21:58

    ережепте ауыз бекыту примерно нешеде…сосн ауыз ашу кун батканнан кейын гой…..ал бекыту тан намазынын кыруыне дин ба или тан намазы кргенде ма…плиз жду ответа очень прошу

    • Мирас:
      17.04.2016 в 14:32

      Мешітте кешке Ақшам намазына азан шақырылғанда ауыз ашыңыз. Таңғы намазға азан шақырылғанда ішіп жеуді бірден тоқтатып, ниет етіп, ауыз бекіту керек.

    • Мирас:
      17.04.2016 в 14:34

      http://muslim.kz/kk осы сайтта ауыз бекіту және ауыз ашу уақыты тұр.

  8. Бабмурат:
    09.04.2016 в 10:30

    Ережеп айы кай куннен басталады және кай куни битеди. Рахмет

  9. салтанат:
    09.04.2016 в 23:25

    салем. осы айдын нешесине дейн созылады? 10.04 танда бугин ауыз бекитип бастаса болама?

    • Мирас:
      17.04.2016 в 14:35

      мамырдың 7-сіне дейін созылады. соған дейін ауыз бекіте беріңіз.

  10. Айжан:
    10.04.2016 в 12:09

    Салем ауыз бекітерде жəне ашарда қандай сөздер айту қажет айтып жіберіңіздерші.

    • Мирас:
      17.04.2016 в 14:36

      «Аллаһуммә ләкә сумту уә бикә әәмәнту уә ‘аләйкә тәуәккәлту уә ‘ала ризқикә әфтарту уә фәғфирлии мәә қаддамту уә мә аххарту»

      Аудармасы: «Аллаһым! Сенің ризалығың үшін ораза ұстадым. Сенің берген ризығыңмен аузымды аштым. Саған иман етіп, саған тәуекел жасадым. Сен менің өткен және келешек күнәларымды кешір»

  11. Айжан:
    11.04.2016 в 09:33

    Ережеп айы кай уакытка дейін болады

  12. Бибигуль:
    24.04.2016 в 05:34

    Саламатсызба? Танда ас ишип ауыз бекиткенде жане ауыз ашканда сол бир дуга окылады ма?

    • admin:
      24.04.2016 в 08:05

      Ауыз бекітерде «Ниет еттім Алла Тағаланың разылығы үшін таң атқаннан күн батқанға дейін ораза ұстауға» деп ниет етесіз.

  13. Бибигуль:
    24.04.2016 в 10:00

    Рахмет коп — коп.

  14. Бибигуль:
    24.04.2016 в 10:17

    Тагы бир сурагым бар еди, ауыз бекиткенде силекейди жутуга болады ма, жумыста тукурип отыру ынгайсыз екен?

    • admin:
      26.04.2016 в 10:25

      болады. Бірақ ауызға мол ғып жинап, сосын жұтуға болмайды.

  15. Arailym:
    28.04.2016 в 20:04

    Кешіріңіз, 7-мамыр ораза ұстаймыз ба? Ол күн Ережеп айына кіреді ме?

    • admin:
      28.04.2016 в 21:10

      Мамыр айының 3-інен 4-іне қараған түні Ережеп айы бітіп, Шағбан айы кіреді. Қаласаңыз, ораза ұстаңыз.

  16. Эльмира:
    01.05.2016 в 02:56

    жума кунгы ораза есептеле ме? Жума куны ораза устамайды дегенди естип едим.

    • admin:
      04.05.2016 в 12:11

      Тек жұма күні ғана ораза ұстау ұнамсыз әрекет. Бейсенбі мен жұма күнін қатарынан немесе жұма мен сенбі күндерін қатарынан ұстаңыз.

  17. Ақерке:
    05.05.2016 в 21:49

    7 ші мамыр күні ережеп айының оразасын тұтамызба, яғни соңғы күні осы күнбе?

  18. Ақерке:
    05.05.2016 в 22:02

    Шағбан айы биыл қандай уақыт аралығына дұрыс келіп тұр? Алдын ала рахмет)

    • admin:
      06.05.2016 в 06:32

      Шағбан айы Мамыр айының 8-іне кіреді (Мамыр айының 7-ісі күні кешке күн батқанда). 5 маусым күні кешке күн батқанда шағбан айы бітеді де Рамазан айы басталады. Тарауих оқылады. 6 маусым күні Таң сәресінен ауыз бекітіледі.

  19. Галия:
    07.05.2016 в 23:25

    Сәлеметсіз бе ? 5-6-7 мамырда ораза устадым.Осы кундер Ережеп айына кире ма?

  20. Галия:
    07.05.2016 в 23:27

    Шағбан айында ораза устауга бола ма ?