mm
«Бақ пен сор», «Біздің ауылдың адамдары», «Тәу етем саған, туған жер», «Шың мен шыңырау» атты кітаптардың авторы. Халықаралық «Қазақстан-Заман» газетінің экономика, спорт, туризм бөлімдерінің меңгерушісі.

ҚР Білім және ғылым министрінің назарына! Балабақшалар да жемқорлықтың ошағына айналған ба?

Балабақшалар мен «Алматы кітап» сынды дүкендердің талаптарын орындасаңыз, осындай сауал қоюға тура келеді. Себебі, балабақша басшылары 5-7 жас аралығындағы бүлдіршіндерді мектепке даярлау курсынан өткізу үшін әр ата-анаға ұзындығы сала құлаш тізім жазып береді екен. Онда баланың дайындығына қажетті оқулықтар мен кітапша-дәптерлер, дәптерлер, бояулар мен түрлі-түсті қарындаштар, қаламсаптар т. б. толып жатқан оқу құрал-жабдықтарының атаулары берілген. Ата-аналардың түсінбейтіні, өткен жылы 5 жастағы бала биыл 6 жасарлар қатарында, 6 жасар 7 жасарлармен бірге әлгі дайындықтан кезекті рет өтеді, бірақ әр жыл сайын бағдарлама «құбылнама сияқты» өзгеріп, «жаңарып» тұрады екен. Оқытылатын мәтіндер, икем мен дағдылар қалыптастыратын шаралар бір-бірін айна-қатесіз қайталайтындығына қарамастан, әлгіндей құрал-жабдықтарды ата-ана жылда қайта алуға тиіс. Неге? Ол қалтаға салмақ түсірмесе бір жөн ғой: қалтаңнан бақандай 22 мыңнан астам теңгені шытырлатып санап беруің керек. Осылайша үш жыл бойы жылда жаңғыртылатын бағдарлама үшін 66 мың теңгенің түбіне су құясыз. Сонда әлгі даярлық курстары бағдарламаларының бір-бірінен қандай өзгешелігі бар иә несі артық, әлде, бұл сол арқылы ата-ананың қалтасын қағуды мақсат тұтқан жемқорлық па? Құзырлы орындардан осындай заңды сауалға тұшымды да түсінікті жауап алсақ дейміз. Ата-аналар шағымы бойынша жанайқайды жеткізген — Ермек Назым.

(12)