Сондерс: “Канело” қауіпсіздігін ойлап жүр, ол Головкинмен жұдырықтаспайды

Орта салмақта WBO тұжырымы бойынша әлем чемпионы Билли Джо Сондерс Геннадий Головкиннен “қашып”, отандасы Хулио Сезар Чавесті таңдаған мексикалық Сауль “Канело” Альваресті сынға алды, – деп хабарлайды Vesti.kz

“Чавес бұл жекпе-жек үшін көп салмақ тастап жатыр. Ал “Канело” кезекті рет қауіпсіздігін ойлап, қарсылас таңдады. Головкинмен жұдырықтаспау үшін бір рет белбеуді өз еркімен бере салған. Жақын арада ол жұдырықтасуға келісе қоймас деп ойлаймын”, – дейді Сондерс Fight Hype басылымына. Қос мексикалық боксшының кездесуі 6 мамырда Лас-Вегаста 164,5 фунт аралық салмақта өтеді.  Сонымен бірге, “Канелоның” командасы қыркүйекте Головкинмен жекпе-жек өткізу бойынша келіссөздер жүргізіп жатыр.

(50)